«Аталанта» Италия чемпионатининг 37-туридан ўрин олган учрашувда «Парма»ни мағлуб этди (2:1).
Мазкур баҳсда киритилган тўплар бергамоликлар клуби учун ушбу мавсумдаги (А Серияда) 97 ва 98-гол бўлди.
Шу тариқа «Аталанта» 1951/52 йилги мавсумда «Ювентус» томонидан қайд этилган натижани такрорлади (98 та гол). Таъкидлаш жоиз, шундан сўнг ҳеч қайси жамоа бу кўрсаткичга эриша олмаган.
А Серияда 20 та жамоа иштирок этишни бошлагандан кейинги рекорд 1949/50 йилги мавсумда 118 та гол урган «Милан»га тегишли.
«Аталанта» 37-турдан кейин 78 очко билан мусобақа жадвалида 3-поғонани эгаллаб турибди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)