Ўзбекистон адлия органлари коронавирус пандемияси шароитида тиббиёт ходимларига кунлик қўшимча ва рағбатлантирувчи тўловларнинг тўланиши бўйича мониторинг ўтказди. Мониторинг натижаларига кўра, бугунги кунда жами 9 миллиард 9 миллион сўмдан ортиқ маблағ тиббиёт ходимларига тўлаб берилмагани аниқланди. Бу ҳақда Адлия вазири матбуот котиби Севара Ўринбоева маълум қилди.
Хусусан:
- Қашқадарё вилоятида 1315 нафар ходимга 6,8 миллиард сўм (5,3 миллиард сўм тўлаб берилди);
- Самарқанд вилоятида 694 нафар ходимга 838,7 миллион сўм (426,5 миллион сўм тўлаб берилди);
- Бухоро вилоятида 317 нафар ходимга 353,5 миллион сўм;
- Сирдарё вилоятида 741,2 миллион сўм (633 млн сўм тўлаб берилди);
- Фарғона вилояти адлия бошқармаси томонидан 211 нафар ходимга 163 миллион сўм (тўлиқ ундирилди);
- Жиззах вилоятида 27 нафар ходимга 36 миллион сўм (тўлиқ ундирилди);
- Тошкент вилоятида 23 миллион сўм;
- Қорақалпоғистон Республикасида 5 нафар ходимга 7,1 миллион сўм (тўлиқ ундирилди) миқдорда белгиланган устама ва қўшимча тўловлар тўлаб берилмаганлик ҳолатлари аниқланган.
Эслатиб ўтамиз, 2020 йилнинг 1 апрель куни Ўзбекистонда коронавирусга чалинганларни даволаётган шифокорларнинг 14 кунлик иши учун 25 миллион сўмдан берилгани ҳақида хабар қилинган. Апрель ўрталарида Молия вазирлиги коронавирусга қарши курашаётган тиббиёт ходимларига белгиланган устама ва қўшимча тўловлар вақтида ўтказиб берилаётганини маълум қилган.
Изоҳ (0)