«Манчестер Юнайтед» дарвозабони Давид де Хеа Англия Премьер Лигасида энг кўп «қуруқ» ўйин ўтказиш бўйича клуб рекордини ўрнатди.
Премьер Лиганинг 38-туридан ўрин олган «Лестер»га қарши баҳс (2:0) де Хеа учун 113-«қуруқ» ўйин бўлди. Давид ушбу кўрсаткич бўйича «Манчестер Юнайтед»нинг афсонавий дарвозабони Петер Шмейхелни (112) ортда қолдирди.
Маълумот ўрнида, де Хеа «Манчестер Юнайтед»га 2011 йилнинг ёзида «Атлетико»дан кўчиб ўтган. Якунига етган 2019/20 йилги мавсумда 29 ёшли испаниялик посбон АПЛ доирасида 38 ўйинда майдонга тушиб, 36 та гол ўтказиб юборган ва иккита сариқ карточка ишлаб олган. Унинг инглиз клуби билан шартномаси 2023 йилнинг ёзига қадар амал қилади.
«Манчестер Юнайтед» эса мавсумни 3-поғонада якунлади ва ва Чемпионлар Лигаси гуруҳ босқичига йўлланмани қўлга киритди.
Давид де Хеанинг «Манчестер Юнайтед» сафидаги топ-10 сейвини томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)