“Manchester Yunayted” darvozaboni David de Xea Angliya Premyer Ligasida eng ko‘p “quruq” o‘yin o‘tkazish bo‘yicha klub rekordini o‘rnatdi.
Premyer Liganing 38-turidan o‘rin olgan “Lester”ga qarshi bahs (2:0) de Xea uchun 113-“quruq” o‘yin bo‘ldi. David ushbu ko‘rsatkich bo‘yicha “Manchester Yunayted”ning afsonaviy darvozaboni Peter Shmeyxelni (112) ortda qoldirdi.
Ma’lumot o‘rnida, de Xea “Manchester Yunayted”ga 2011-yilning yozida “Atletiko”dan ko‘chib o‘tgan. Yakuniga yetgan 2019/20-yilgi mavsumda 29 yoshli ispaniyalik posbon APL doirasida 38 o‘yinda maydonga tushib, 36 ta gol o‘tkazib yuborgan va ikkita sariq kartochka ishlab olgan. Uning ingliz klubi bilan shartnomasi 2023-yilning yoziga qadar amal qiladi.
“Manchester Yunayted” esa mavsumni 3-pog‘onada yakunladi va va Chempionlar Ligasi guruh bosqichiga yo‘llanmani qo‘lga kiritdi.
David de Xeaning “Manchester Yunayted” safidagi top-10 seyvini tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)