Футбол бўйича Италия чемпионатининг 36-туридан ўрин бир қатор учрашувлар 26 июль, якшанба куни бўлиб ўтди.
«Ювентус» ўз майдонида «Сампдория»ни қабул қилди. Биринчи бўлимга қўшиб берилган дақиқаларда Криштиану Роналду ҳисобни очди. 67-дақиқада Федерико Бернардески туринликларнинг иккинчи голини урди. Ўйин якунланиши арафасида Роналду дублни расмийлаштириши мумкин эди, бироқ унинг пенальтидан йўллаган зарбаси дарвоза тўсинига тегиб қайтди.
Шу тариқа мазкур ғалаба «Ювентус»га муддатидан аввалги чемпионликни тақдим этди. «Кекса синьора» мавсум тугашига икки тур қолган энг яқин таъқибчисини 7 очко ортда қолдирди.
«Лацио» жамоаси «Верона» майдонига сафар қилди. Дастлаб майдон эгалари олдинга ўтиб олди. Бироқ римликлар бунга бешта гол билан жавоб қайтарди. Голларнинг учтасини Чиро Иммобиле ўз ҳисобига ёздириб қўйди ва тўпурарлар пойгасида Роналдудан учта тўп олдинга ўтиб кетди.
Яна бир пойтахт клуби «Рома» ўз майдонида «Фиорентина»ни қабул қилди. Жордан Веретунинг урган иккита голи «бўрилар»га уч очко тақдим этди.
36-турдан сўнг мусобақа жадвали қуйидаги кўринишни олди:
А Серия
36-тур баҳслари
26 июль, якшанба
«Ювентус» — «Сампдория» 2:0
Голлар: 1:0 – 45+7 Роналду, 2:0 – 67 Бернардески.«Ювентус»: Шенсни, Алекс Сандро, де Лигт (Ругани, 78), Бонуччи, Данило (Бернардески, 29), Рабьо, Матюиди, Пьянич (Бентанкур, 78), Куадрадо, Дибала (Игуаин, 40), Роналду.
«Сампдория»: Аудеро, Тонелли, Шабо (Лерис, 22), Аужелло, Депаоли, Янкто (Габбьядини, 73), Торсбю, Рамирес (Марони, 90), Линетти, Йошида, Куальярелла.
Огоҳлантиришлар: Пьянич (45), Торсбю (45), Тонелли (45), Янкто (65), Бернардески (69), Куадрадо (80), Рабьо (86), Депаоли (88).
Четлатиш: Торсбю (77).
«Верона» — «Лацио» 1:5
Голлар: 1:0 – 39, пенальти Амрабат, 1:1 – 45, пенальти Иммобиле, 1:2 – 56 Милинкович-Савич, 1:3 – 62 Корреа, 1:4 – 83 Иммобиле, 1:5 – 90, пенальти Иммобиле.«Рома» — «Фиорентина» 2:1
Голлар: 1:0 – 45, пенальти Верету, 1:1 – 54 Миленкович, 2:1 – 87, пенальти Верету.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)