Футбол бўйича Европа Чемпионлар Лигаси 1/8 финалидан ўрин олган «Манчестер Сити» — «Реал» (биринчи ўйин 2:1) жавоб учрашуви ўтказилиши сўроқ остида қолмоқда.
АS хабарига кўра, Буюк Британия ҳукумати 26 июлдан бошлаб, мамлакатга Испаниядан кирганлар учун 14 кунлик карантин жорий этган, боиси Пиреней ярим оролида касаллик тарқалиши яна авж олган.
Хусусан, Испанияда 24 июль куни 900 дан ортиқ инсонда коронавирус инфекцияси аниқланган.
Эслатиб ўтамиз, «Манчестер Сити» — «Реал» учрашуви 7 август санасига белгиланган.
Маълумот учун, Испанияда ҳозирга келиб коронавирусга чалинганлар сони 272 минг кишидан ошиб кетган. Шулардан 150 мингдан ортиғи соғайган бўлса, 28 432 киши вафот этгани тасдиқланган.
Изоҳ (0)