AQSh Harbiy-havo kuchlarining kosmik qo‘mondonligi Rossiyani Yer orbitasida sun’iy yo‘ldoshlarga qarshi qurolni sinovdan o‘tkazganlikda aybladi.
AQSh ma’lumotlariga ko‘ra, sinovlar 15-iyul kuni o‘tkazilgan, o‘sha kuni “Kosmos-2543” sun’iy yo‘ldoshidan noma’lum obyekt ajralib chiqqan. Kosmik qo‘mondonlik bayonotida ushbu obyekt nima ekanligi va sodir bo‘lgan voqea nimani anglatishiga oydinlik kitirilmagan. Biroq ta’kidlanishicha, AQShda bu qurol sinovi ekanligini isbotlovchi dalillar mavjud.
Buyuk Britaniya Mudofaa vazirligi vakili Xarvi Smit ham Rossiyaga nisbatan shu kabi ayblovni e’lon qilgan.
Sky News’ning taxminicha, Rossiya o‘ziga tegishli sun’iy yo‘ldoshlarning birida boshqasiga snaryad uchirgan bo‘lishi mumkin.
Aprel oyining o‘rtalarida ham AQSh Rossiya sun’iy yo‘ldoshga qarshi raketani sinovdan o‘tkazganini ma’lum qilgan qilgandi. O‘sha vaqtda ushbu raketa Yerning past orbitasidagi sun’iy yo‘ldoshni urib tushirishga qodirligi, sinov Amerika sun’iy yo‘ldoshini kuzatgan “Kosmos 2542” hamda “Kosmos 2543” kosmik sun’iy yo‘ldoshlarining manyovridan keyin amalga oshirilgani ta’kidlangan edi.
Izoh (0)