АҚШ ҳукумати Германиянинг BioNTech ва Американинг Pfizer компанияларига COVID-19 коронавирус инфекциясига қарши 100 миллион доза BNT162 вакцинасини буюртма қилди. Бу ҳақда BioNTech ўз расмий сайтида маълум қилган.
«АҚШ ҳукумати қиймати 1,95 миллиард долларга тенг 100 миллион дозага буюртма берди ва қўшимча тарзда 500 миллион дозага эга бўлиши мумкин», – дейилади АҚШ аҳолисига вакцинанинг бепул тарқатилиши ҳақида компания баёнотида.
Қайд этилишича, июлда Pfizer ва BioNTech компаниялари BNT162 вакцинасини хавфсизлиги ҳамда самарадорлигини тест қилади. Компаниялар октябрда ўз препаратини рўйхатдан ўтказишга сўров юборади ва 2020 йил охиригача 100 миллион доза етказиб берилади. Улар 2021 йил охиригача 1,3 миллиард дозадан кўпроқ вакцина ишлаб чиқаришни режалаштирмоқда.
Аввал АҚШ президенти Дональд Трамп мамлакатда коронавирусга қарши вакцинанинг клиник синовлари якунига етганини эълон қилганди. Шунингдек, у яқин ҳафталарда яна тўртта вакцинанинг синови якунланишини билдирган.
Россия Мудофаа вазирлиги ҳам коронавирусга қарши вакцина яратилганини хабар қилган. Уни ишлаб чиқариш август ойида бошланиши мумкин. Шунингдек, Буюк Британиянинг 90 миллион дозалик COVID-19 вакцинасига буюртма бергани ҳақида ҳам хабар берилган эди.
Изоҳ (0)