Англиянингда нуфузи жиҳатдан иккинчи ўринда турувчи дивизиони Чемпионшипда мавсум якунланди.
46-турда «Куинз Парк Рейнжерс» билан дуранг (2:2) ўйнаган «Вест Бромвич» 83 очко билан иккинчи ўринни қўлга киритди. Шу тариқа Славен Билич қўл остидаги жамоа Премьер Лигага тўғридан-тўғри йўлланмани қўлга киритди.
Аввалроқ «Лидс» 16 йиллик танаффусдан сўнг АПЛга қайтганди.
Шунингдек, учинчи йўлланма учун кураш олиб борувчи тўртта плей-офф иштирокчилари ҳам маълум бўлди. Улар: «Брентфорд», «Фулҳэм», «Кардифф» ва «Суонси».
Мусобақа жадвалида жамоалар 3—6-ўринларни банд этди. Шундай қилиб «Брентфорд» «Суонси» билан баҳс юритади, «Фулҳэм» эса «Кардифф» билан ўйнайди. Ярим финал ғолиблари финалда ўзаро баҳс юритади.
Шунингдек, «Чарлтон», «Барнсли» ва «Ҳалл Сити» каби жамоалар Чемпионшипни тарк этди. Уларнинг ўрнини «Ковентри», «Ротерҳэм» ва «Уиком» клублари эгаллайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)