Футбол бўйича Англия Премьер Лигаси 37-турининг сўнгги ўйинида «Ливерпуль» ва «Челси» жамоалари ўзаро баҳс юритди.
Голларга бой бўлган баҳсда майдон эгалари ғалабани нишонлади. Биринчи бўлимнинг ўзида дарвозалар тўрт бор ишғол этилди. 23-дақиқада Наби Кейта жарима майдони ташқарисидан аниқ зарба йўллаб, ҳисобни очди. 38-дақиқада Трент Александер-Арнольд жарима зарбасини голга айлантирган бўлса, орадан кўп ўтмай Жоржиньо Вейналдум ҳисобни йирик кўринишга олиб келди. Танаффус арафасида Оливье Жиру лондонликларнинг илк голини урди.
Иккинчи бўлимда ҳам тўртта тўп киритилди. Роберто Фирмино ва Алекс Окслейд-Чемберленнинг голларига лондонликлар Кристиан Пулишич ҳамда Тэмми Абраҳамнинг киритган тўплари билан жавоб қайтарди.
Ушбу ғалабадан кейин пешқадам «Ливерпуль» очколарини 96 тага етказди. «Челси» эса 63 очко билан 4-ўринда қолди.
Сўнгги турда Фрэнк Лэмпард шогирдлари «Вулверҳэмптон»га қарши ўйнайди. Мерсисайдлар эса «Ньюкасл» меҳмони бўлади.
АПЛ
37-тур баҳси
22 июль, чоршанба
«Ливерпуль» — «Челси» 5:3
Голлар: 1:0 – 23 Кейта, 2:0 – 38 Александер-Арнольд, 3:0 – 43 Вейналдум, 3:1 – 45+3 Жиру, 4:1 – 55 Фирмино, 4:2 – 61 Абраҳам, 4:3 – 73 Пулишич, 5:3 – 84 Окслейд-Чемберлен.«Ливерпуль»: Алиссон, Александер-Арнольд, Робертсон, Гомес, ван Дейк, Вейналдум (Милнер, 66), Кейта (Жонс, 66), Фабиньо, Мане (Ориги, 87), Фирмино (Минамино, 87), Салоҳ (Окслейд-Чемберлен, 79).
«Челси»: Аррисабалага, Жеймс, Аспиликуэта, Зума, Алонсо (Эмерсон, 88), Маунт (Ҳадсон-Одои, 59), Ковачич, Виллиан (Пулишич, 59), Жоржиньо, Рюдигер, Жиру (Абраҳам, 59).
Огоҳлантириш: Гомес (83).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)