«Тоттенҳэм» 52 йилдан кейин илк бор кетма-кет 4-мавсумда «Арсенал»дан юқори ўринни эгаллайди

Лондоннинг «Арсенал» клуби Премьер Лиганинг 2019/20 йилги мавсумида мусобақа жадвалида 8-ўриндан юқорига кўтарила олмайди.

Шу тариқа «тўпчилар»нинг Шимолий Лондон дербисидаги азалий рақиби «Тоттенҳэм» кетма-кет тўртинчи бор Премьер Лига турнир жадвалида эгаллаган ўрни бўйича «Арсенал»дан устун келмоқда.

Қайд этиш жоиз, ушбу ўзига хос серия АПЛ жорий этилганидан (1992 йил) бери илк бор содир бўлди. Сўнгги 28 йил ичида «Тоттенҳэм» турнир жадвалида бор-йўғи олти марта «Арсенал»дан юқори поғонани эгаллаган.

«Тоттенҳэм» 1959/60 йилги мавсумдан 1967/68 йилги мавсумга қадар кетма-кет 9 маротаба «Арсенал»дан устун келган.

Англия чемпионати якунига етишига 1 тур қолганида «Тоттенҳэм» 58 очко билан 7-ўринни, «Арсенал» эса (53) 10-поғонани эгаллаб турибди.

9 та гол урилган Лондон дербиси: «Тоттенҳэм» 2004 йил ўз уйида «Арсенал»га 4:5 ҳисобида ютқазган ўйинни томоша қилинг (видео)