Чехиянинг электромотоцикллар ишлаб чиқарувчи компанияси Kuberg Ranger номли тиркамага эга янги маунтинбайкни тақдим этди, деб хабар беради Electrek.
Янги модель 14 кВт қувватли аккумуляторга эга бўлиб, унинг тезлиги соатига 80 километрга қадар етади. Маунтинбайк бир марта қувватланиш орқали 100 километр масофани босиб ўтишга қодир.
Kuberg Ranger’га тиркама ҳам ўрнатилган бўлиб, унинг ёрдамида 30 килограммгача бўлган юкни ташиш мумкин.
Ихтирочиларнинг таъкидлашича, транспорт воситасидан маунтинбайк ёки электроскутер сифатида фойдаланса ҳам бўлади. Базавий модель нархи 4 минг долларни ташкил этмоқда.
Аввалроқ Xiaomi ўзининг энг арзон электроскутерини, японлар эса шиширма электроскутерни тақдим этган эди.
Изоҳ (0)