Бугун,

  • USD 11095.31
  • RUB 173.84
  • EUR 10772.44

Бухорода COVID-19’ вируси тарқалишининг олдини олиш ва унга қарши даволаш-профилактика ишлари сифатини тубдан яхшилаш бўйича қилинаётган ишларга қарамасдан, ижтимоий тармоқларда вилоятда зарур дори воситаларининг танқислиги, аҳолининг эҳтиёжи кескин ортган пайтда айрим дорихоналарда нарх-навонинг сунъий оширилаётганлиги, тез тиббий ёрдамнинг шошилинч чақирувларга кеч етиб бораётгани хусусида норозиликлар кўпайган.

Бухоро вилоят ҳокимлиги ахборот хизматининг «Дарё»га хабар беришича, ушбу масалалар юзасидан вилоят ҳокими вазифасини бажарувчи Карим Камолов бухороликларга қилган мурожаатида алоҳида тўхталиб ўтган.

Фото: «Buxoro.uz»

Фото: «Buxoro.uz»

Вилоят ҳокимига кўра, 20 июль ҳолати бўйича вилоятда COVID-19’дан зарарланганлар 633 нафарга етган. Шундан 530 нафари соғайиб, ўз оиласи бағрига қайтган, 4 нафар фуқаро вафот этган. Шифохоналарда 99 нафар фуқаро стационар даволанмоқда. Улардан 14 нафари – оғир, 24 нафари – ўрта оғир ва 61 нафари – қониқарли ҳолатда. Шунингдек, бугунга келиб жами 9 минг 933 нафар фуқаро карантинга олинган бўлиб, улардан 1 минг 343 нафари касалхонада, 3 минг 599 нафари уй шароитида шифокорлар назоратида бўлиб турибди. Ҳудудда 153 та тез тиббий ёрдам бригадаси ва 15 та махсус реанимацион бригада фаолият кўрсатади.

«Бухоронинг турли манзилларида махсус тайёрланган ўнга яқин шифохоналарда айни кунга қадар 930 та ўрин мобилизация қилинган. Вилоят тери-таносил касалликлари диспансерида, физиатрия ва пулмонология маркази ҳамда Бухоро шаҳар тиббиёт бирлашмасида яна қўшимча 300 та ўрин ҳозирлаб қўйилган. COVID-19 билан касалланган беморларни даволаш учун 10 минг беморга етадиган, умумий қиймати 5 миллиард 200 миллион сўмлик 49 турдаги дори воситалари захираси шакллантирилган, — деди вилоят ҳокими вазифасини бажарувчи Карим Камолов. — Мавжуд тиббиёт муассасаларини керакли дори воситалари ва тиббиёт буюмлари билан узлуксиз таъминлаш мақсадида бир ойда 9 миллиард 500 миллион сўм (3 минг нафар беморни даволаш учун) маблағ талаб этилишини инобатга олган ҳолда вилоятда 3 ойлик дори воситалари захирасини яратиш мақсадида зарур чоралар кўрилди. Бироқ кўрилаётган чора-тадбирлар хотиржамликка берилишимизга асос бўлолмайди».

Бухоро ҳокимининг таъкидлашича, аҳоли орасида ваҳима уйғотмаслик, бозорлардаги нарх-навонинг сунъий ошиб кетишига йўл қўймаслик мақсадида бош прокуратура ҳузуридаги иқтисодий жиноятларга қарши курашиш департаменти ва солиқ идораларида ишчи гуруҳлар тузилган. Улар деҳқон бозорлари ва йирик савдо мажмуаларида назорат тадбирларини ташкил этиб, нархни асоссиз равишда оширганларга нисбатан қонуний чора кўрмоқда.

«Нафақат дори-дармон воситалари, балки нон ва нон маҳсулотлари нархини ҳам ўзбошимчалик билан оширишга, бу синовли кунларда ўз манфаати йўлида халқнинг ризқу насибасига путур етказишга ҳеч кимнинг ҳақи йўқ. Бугун ҳар биримиз синов майдонидамиз, якдиллик ва ҳамжиҳатлик — қийин вазиятдан қутулишнинг бирдан бир йўли эканлигини унутмайлик», — деди вилоят раҳбари.

Вилоят махсус штаби масъулининг «Дарё»га қўшимча қилишича, ҳудудда вазиятни барқарорлаштириш мақсадида 20 июль куни шаҳар оилавий поликлиникаларига 10 та қўшимча Damas берилган.

Изоҳ
Асосий янгиликлар
Маҳаллий
“Тез ёрдам машинаси 5 йилда икки бараварга кўпайди, битта чақирув дориси 640 сўмдан 7,5 минг сўмга ошди”. “Дарё” тиббиётдаги ўзгаришларни Наманган вилояти мисолида...
Спорт
Бундеслига. “Боруссия Д” ўз майдонида рақибини тор-мор этди 
Шоу-бизнес
Instagram: Аэропортда дабдаба билан кутиб олинган Liil Хуррамов, қўшиқ куйлаган Абдуҳошим Исмоилов, янги раққосаларни кашф этаётган Юлдуз Усмонова