Бугун,

  • USD 11095.31
  • RUB 173.84
  • EUR 10772.44

Фарғона вилоятида коронавирусга чалинганлар билан мулоқотда бўлиб, карантинга олинаётган кишилар сони ўсиб бораётгани туфайли 9600 та захира ўрни тайёрлаб қўйилиши маълум қилинди. Бу ҳақда вилоят ҳокимлиги ахборот хизмати хабар қилган.

Фото: Фарғона вилояти ҳокимлиги ахборот хизмати

Фото: Фарғона вилояти ҳокимлиги ахборот хизмати

«Коронавирусга чалинганлар Ўзбекистонда ҳам тобора кўпайиб бормоқда. Тўғри, Фарғона вилоятининг бу борадаги кўрсаткичлари нисбатан одамда хотиржамлик туғдириши мумкин. Лекин аслида ундай эмас. 20 июль куни кечга томон жами касалланганлар 194, ундан тузалиб чиққанлар 174 нафар бўлиб, ҳозирда даволанаётганлар 19 нафарни ташкил этади. Бир киши вафот этган. Оғир ёки ўта оғир беморлар йўқ. Аммо касалланганлар билан мулоқотда бўлганлар, улар эса оз эмас, карантинда сақланмоқда», — дейилади ҳокимлик хабарида.

«Биз энг оғир ҳолатларга ҳам тайёр бўлишимиз лозим. Бунинг учун зудлик билан 9600 та захира ўрин-жой тайёрлашимиз зарур», — деган Фарғона вилояти ҳокими.

Фото: Фарғона вилояти ҳокимлиги ахборот хизмати

Фото: Фарғона вилояти ҳокимлиги ахборот хизмати

Хабарда қайд этилишича, вилоят ҳокими Шуҳрат Ғаниев Бешариқ, Олтиариқ, Фарғона туманларидаги «Она ва бола», «Боғишамол», «Зилол», «Чимён», «Темир йўлчи», «Нурафшон», «Қизилтепа», «Жаҳонгирмирзо» каби давлат ва хусусий сиҳатгоҳларни айланган. Санаторийларнинг эгалари билан музокаралар олиб борилган. Сиҳатгоҳлар карантин туфайли дам олувчиларни қабул қилмаяпти.

Фото: Фарғона вилояти ҳокимлиги ахборот хизмати

Фото: Фарғона вилояти ҳокимлиги ахборот хизмати

«Биз вилоятимиз учун махсус дастур-режа ишлаб чиқдик. Бу сиҳатгоҳларда тиббиёт талабларига мос, яъни бир кишилик ва албатта, санитария қулайликлари ичкарида бўлган хоналарни захирага олиш учун ўзаро шартнома тузяпмиз. Бунда ҳокимлик ҳар бир захира ўрни учун 3 миллион сўм сиҳатгоҳга тўлаб беради. Сиҳатгоҳ эса агарда зарурат туғилса, коронавирусга қарши кураш вилоят штаби юборган беморларга шу хоналарни тақдим этади. Уларни даволаш ёки чегаралаш билан боғлиқ масалаларни соғлиқни сақлаш тизими ҳал этади. Шундай қилинса, ҳам захира жой ҳозирланади, ҳам вақтинча ишламай турган сиҳатгоҳлар ишчи-хизматчилари ижтимоий ҳимояга олинган бўлади. Яъни ҳар бир жой учун ҳокимлик тўлайдиган маблағ ҳисобидан иш ҳақи олиб туради», — дейди Шуҳрат Ғаниев.

Ҳокимликнинг Telegram’даги каналига юкланган видеода Шуҳрат Ғаниевнинг захирага тайёрланаётган ҳар бир муассасани шахсан ўзи тегишли мутахассислар билан бирга ўрганиб чиқаётгани, у ерда койкалар учун, жой учун ҳокимлик ҳисобидан ажратиладиган пуллар ҳақида гапираётгани акс этган.

Аввалроқ Фарғона вилоятига Жанубий Кореядан олиб келинган 4000 та экспресс-тестлардан чегара ўтказиш масканлари, давлат органлари ва корхоналарда фойдаланиш бошлангани ҳақида хабар қилинганди.

Изоҳ
Асосий янгиликлар
Дунё
Охирги 100 йил ичида содир бўлган дунёдаги энг кучли 10 та зилзила (видео+фото)
Дунё
Польша бош вазири Украинадаги уруш учинчи жаҳон урушига айланишини прогноз қилди
Маҳаллий
Ўзбекистонда доллар курси яна ошди