«Сурхон» футбол клуби ўйинчилари Нуриддин Ҳасанов ва Ҳусниддин Ғофуров изоляцияга олинди. Бу ҳақда Профессионал футбол Лигаси матбуот хизмати маълум қилди.
Таъкидланишича, футболчиларда 13 июль куни ҳолсизланиш аломатлари сезилган. Натижада клуб шифокори уларни изоляцияга олган. 14 июль куни футболчилар коронавирусга тест топширган ва 17 июлда уларда вирус борлиги аниқланган.
12 июль куни «Сурхон» клуби Cоcа Cола Суперлига 9-тури доирасида «Андижон»га қарши баҳс олиб борган. Ҳусниддин Ғофуров учрашувнинг 76-дақиқасида захирадан майдонга тушган.
Эндиликда «Сурхон» ва «Андижон» клуби футболчилари COVID-19 га тест топширишига тўғри келади. Мазкур жамоаларнинг навбатдаги ўйинлари режаси шундан келиб чиқиб ўзгариши мумкин.
Мавзуга доир: Про-Лига доирасидаги «Хоразм» — «Динамо» ўйини қолдирилди. Уч футболчи коронавирус юқтириб олганликда гумон қилинмоқда
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)