«Рома» ҳужумчиси Эдин Жеко римликлар клуби тарихидаги энг яхши легионер тўпурарга айланди.
34 ёшли футболчи А Серия 33-тури доирасида «Верона»га қарши кечган ўйинда (2:1) гол уриб, жамоасига ғалаба келтирди. Бу босниялик ҳужумчи учун «Рома» сафидаги 105-гол бўлди. Римликлар матбуот хизматининг маълум қилишича, Жеко клуб тарихидаги энг яхши легионер тўпурарга айланди. У «Рома»нинг аргентиналик афсонаси Педро Манфрединини (104 гол) ортда қолдирди.
Аввалроқ босниялик футболчи «Рома» тарихидаги энг яхши тўпурарлар бешлигига кирганди. Клубнинг энг яхши тўпурари Франческо Тотти ҳисобланади — 307 та гол.
Жеко «Рома»га 2016 йилнинг ёзида «Манчестер Сити»дан келганди. Футболчи жорий мавсум римликлар сафида 39 ўйин ўтказиб, 18 гол ва ўнта голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)