Испания Ла Лигасининг 2019/2020 йилги мавсуми якунланишига бир тур қолганида, «Барселона» чемпионатда ғалаба қозониш имкониятидан маҳрум бўлди ва чемпионликни «Реал»га топшириб қўйди.
Шу тариқа каталон клуби 2014 йилдан бери илк марта на Ла Лигада ва на Испания кубогида ғалаба қозона олмади. Кубок баҳсларида Кике Сетьен шогирдлари чорак финал босқичида «Атлетик»дан мағлубиятга учраган.
Мавсум охирида каталон клуби учун ютиш мумкин бўлган битта соврин қолмоқда. У ҳам бўлса, Чемпионлар Лигаси. Мусобақа коронавирус пандемияси сабаб 1/8 финал босқичида тўхтаб қолган. «Барселона» ушбу босқичда «Наполи» билан тўқнаш келган. Томонларнинг Италияда ўтган дастлабки ўйинида 1:1 ҳисобида дуранг қайд этилган. Жавоб учрашуви эса 8 август куни бўлиб ўтади.
37-турда «Реал» «Вильярреал»ни 2:1 ҳисобида мағлуб этиб, чемпионликни қўлга киритган бўлса, «кўк-анорранглилар» «Осасуна»га 1:2 ҳисобида мағлуб бўлди. Орадаги фарқ 7 очкони ташкил қилади. Мусобақа якунига етишига 1 тур қолган.
Мавзуга доир:
- Лионель Месси: «Реал»нинг чемпион бўлиши учун биз ҳам ёрдам бериб юбордик
- «Барселона» коронавирус пандемияси сабаб қанча зарар кўриши маълум бўлди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)