Туркия шарқидаги Ван вилоятида разведкачи самолёт қулаши оқибатида етти киши ҳалок бўлди. Бу ҳақда мамлакат ички ишлар вазири Сулаймон Сойлуга таяниб, Anadolu хабар берди.
Вазирнинг сўзларига кўра, самолёт разведка ва кузатиш миссиясини бажараётган бўлган. Фалокат оқибатида икки нафар учувчи ва хавфсизлик органларнинг беш нафар ходими ҳалок бўлган.
Сойлунинг маълум қилишича, самолёт Ван вилоятидаги Ферит Мелен аэропотидан маҳаллий вақт билан соат 18:34 да ҳавога кўтарилган. Соат 22:45 да эса радарлардан йўқолиб қолган. Тахминларга кўра, самолёт Артос тоғлари жойлашган ҳудудда фалокатга учраган, ҳозирда қидирув ишлари давом этмоқда.
Эслатиб ўтамиз, 2018 йилда ҳам Туркияда ҳарбий самолёт ҳалокатга учраган ва фалокат оқибатида уч киши ҳалок бўлган эди.
Изоҳ (0)