Каталониянинг «Барселона» клуби ҳужумчиси Луис Суарес Лионель Мессининг клубни тарк этиши мумкинлиги ҳақидаги миш-мишларга ўз муносабатини билдирди.
«Мессининг бошқа жамоаларда ўйнаши мумкинлигини тасаввур ҳам қилаётганим йўқ. Лео ўзи ва оиласи учун энг яхши бўлган қарорни қабул қилади. Унинг дўсти сифатида ҳар доим унга ўзини қулай ва бахтли ҳис қилган жойда ўйнашни тавсия этаман. Менимча, унинг оиласи Барселонада чиндан ҳам бахтли, агар ўзи ҳам бу ерда бахтли бўлса, демак, «кўк-анорранглилар» сафида ўйнашни давом эттириши керак. Агар қандайдир ўзгаришга эҳтиёж сезадиган бўлса, у ўзи учун нима яхши бўлишини билади», — дейди Суарес.
Аввалроқ Мессининг «Барселона»даги вазиятдан норози экани ва фаолиятини бошқа жамоада давом эттиришни истаётгани ҳақида хабарлар тарқалганди.
Месси ушбу мавсумда Испания чемпионатининг 31 та ўйинда майдонга тушиб, 22 та гол ва 21 та голли узатмага муаллифлик қилган. Суареснинг ҳисобида эса (Ла Лигада) 26 та ўйин, 15 та гол ва 8 та ассист бор.
Мавзуга доир:
Изоҳ (0)