«Ливерпуль» бош мураббийи Юрген Клопп Англия Премьер Лигасининг 36-туридан ўрин олган «Арсенал»га қарши баҳсдан (1:2) сўнг сўз фикрлари билан ўртоқлашди.
«Икки бор концентрацияни йўқотдик. Гол ўтказиб юборганимиздан кейин тўхтаб қолдик, аммо бунгача яхши ўйнаётгандик. Учрашувдаги аниқ зарбалар бўйича фарқ 24-3 ни ташкил қилди. Ажабланарлиси шундаки, «Арсенал»нинг иккита зарбаси гол билан тугади. Шунчаки, уларда бошқа имконият бўлмади.
Биз концентрацияни йўқотдик, АПЛда бунга йўл қўйиб бўлмайди. Ван Дейк тўпни йўқотган вақтда кимнингдир очилганини кўрмадим. Ҳеч ким тўпни олишни хоҳламади. Бунда ҳеч қандай маъно йўқ.
Бундан сабоқ олишимиз мумкин ва биз буни амалга оширамиз. Ўйлашимча, мавсум давомида ҳам бундай ҳолатлар бўлган, аммо бугун бунинг учун жазоландик. Бошқа томондан шундай бўлгани яхши, боиси бу — биз учун дарс бўлди», — дейди Клопп.
Эслатиб ўтамиз, «Ливерпуль» чемпионлик масаласини 31-турда ҳал этиб бўлган. «Арсенал» эса 53 очко билан 9-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)