Беларусь президенти Александр Лукашенко Витебск вилояти губернатори қандай усул билан коронавирусдан тузалгани ҳақида гапириб берди, дея хабар берди «Korrespondent.net».
Лукашенконинг маълум қилишича, вилоят губернатори ҳар куни эрталаб чалғиўроқ билан ўт ўрган ва бу унинг тез соғайишига имкон берган.
Президентнинг сўзларига кўра, бу у томонидан аввалроқ айтилган, «трактор ҳамма нарсани даволайди», деган назарияни тасдиқлайди.
«Бу айнан мен дастлаб ҳазиллашиб айтган ‘трактор ҳамма нарсани даволайди’, деган сўзларим. Ҳеч бир ҳолатда экин экиш кампаниясини тўхтатиш мумкин эмас эди, акс ҳолда ҳозир оч қолган бўлардик», — дея таъкидлаган Лукашенко.
Шунингдек, Беларусь раҳбари COVID-19 тарқалиши вақтида тоза ҳавода бўлишнинг муҳимлигига эътбор қаратган.
«Албатта, тоза ҳавода ишлаш керак. Ҳеч қандай ҳолатда одамларни бир хонали, икки хонали квартираларга қамаш мумкин эмас эди», — деди президент.
Аввалроқ Александр Лукашенко Беларусда коронавирус устидан ғалаба қозонилганини маълум қилганди.
Изоҳ (0)