Венгрия ташқи иқтисодий алоқалар ва ташқи ишлар вазири Петер Сийярто бошчилигидаги делегация 2020 йилнинг 15—17 июль кунлари Ўзбекистонга ташриф буюради. Бу ҳақда Ўзбекистон Ташқи ишлар вазирлиги хабар берди.
Маълум қилинишича, Венгрия томони билан Тошкент шаҳрида Ташқи ишлар, Инвестициялар ва ташқи савдо, Энергетика, Олий ва ўрта махсус таълим вазирликларида ҳамда бошқа идораларда икки томонлама музокаралар ўтказиш кўзда тутилган.
Эслатиб ўтамиз, Петер Сийярто бошчилигидаги делегация 2020 йилнинг февраль ойида ҳам Ўзбекистонга келганди. Ўша ташриф давомида Петер Сийярто Президент Шавкат Мирзиёев билан учрашганди.
Аввалроқ Ўзбекистон коронавирусга қарши курашда ёрдам сифатида Венгрияга 500 минг дона ҳимоя ниқоби жўнатгани ҳақида хабар берилганди.
Изоҳ (0)