Бугун,

  • USD 11095.31
  • RUB 173.84
  • EUR 10772.44

Соғлиқни сақлаш вазирлиги ҳузуридаги коронавирусга қарши кураш штаби аъзоси, профессор Ҳабибулла Оқилов коронавирусдан тузалган беморларда 3 ойгача антитаналар сақланиб қолишини айтди.

АОКА ҳузуридаги штабда ташкил этилган брифингда коронавирус билан касалланиб соғайган беморларда иммунитет пайдо бўлиши борасидаги саволга мутахассис қисқача изоҳ бериб ўтган.

Унга кўра, коронавирусдан соғайган беморда касалликка қарши антитаналар ҳосил бўлиши исботланган. Бунинг натижасида касалланган организмда вирусга қарши иммунитет яратилади.

Чет эллик мутахассисларнинг таъкидлашича, иммунитет ўртача 3 ойгача сақланиб қолади, бу вақт ичида қайта касалланганлар аниқланмаган. Иммунитет сақланиб қолиш даври тугагандан кейин ҳам вирус юқтирганда, бемор организмида генлар даражасида касалликка қарши антитаналар ишлаб чиқариш қобилияти «хотираси» сақланиб қолади ва касаллик нисбатан енгил ўтиши билдирилмоқда.

Айнан ана шу антитаналарни аниқлаш бўйича Республика бўйлаб босқичма-босқич ИФА таҳлилини йўлга қўйиш режалаштирилаётгани маълум қилинди. Бунинг натижасида аҳоли орасида гуруҳ иммунитетининг фоизини аниқлаш орқали карантин чораларини режалаштириш имконини беради.

Эслатиб ўтамиз, аввалроқ Санитария-эпидемиология назорати инспекцияси бош инспектори Нурмат Отабеков вирусли касалликлар, айниқса, респиратор касалликлар билан оғриган одамларда ҳосил бўлган иммун тизими орттирилган иммунитет ҳисобига ушбу касаллик билан қайта касалланишга йўл қўймаслигини таъкидлаган.  Шунингдек, Махсус комиссия томонидан керакли шароитларга эга бўлган хусусий секторда фаолият кўрсатувчи лабораторияларга ҳам коронавирусни аниқловчи полимераз занжир реакцияси (ПЗР), иммунофермент таҳлил (ИФА) ва ИХЛА таҳлилларини ўтказиш ҳуқуқи берилгани қайд этилган.

Изоҳ
Асосий янгиликлар
Дунё
Туркия президентлигига номзод Дўғу Перинчек сайловда ғалаба қозонса, мамлакатни НАТОдан чиқаришга ваъда берди
Маҳаллий
Ўзбекистонда 25 март куни қандай об-ҳаво кузатилиши маълум қилинди
Спорт
Криштиану Роналду терма жамоалар миқёсида иккита тарихий рекорд қайд этди