Европа тикланиш ва тараққиёт банкининг собиқ президенти Сума Чакрабарти «Дўстлик» ордени билан мукофотланди. Тегишли фармонни Ўзбекистон Президенти Шавкат Мирзиёев имзолади.
Ҳужжатда Суми Чакрабартининг «стратегик шериклик ўрнатиш ва кўп қиррали ҳамкорликни кенгайтиришдаги» хизматлари таъкидланган.
Бундан ташқари, у «мамлакатни ижтимоий-иқтисодий ислоҳ қилиш дастурининг самарадорлигини оширишга, шунингдек, республикада қулай инвестиция муҳити ва ишбилармонлик муҳитини шакллантиришни қўллаб-қувватловчи саноат ва инфратузилмани модернизация қилиш бўйича устувор инвестиция лойиҳаларини илгари суришга» ўзининг шахсий ҳиссасини қўшгани таъкидланади.
Сума Чакрабарти Европа тикланиш ва тараққиёт банки президенти сифатида 2012 йил июлдан 2020 йил июлгача ишлаган. 2017 йилда банк Ўзбекистонга инвестициялар йўналтиришни қайта тиклаган. Бугунги кунга қадар ЕТТБ 79 та лойиҳада қатнашиб, мамлакат иқтисодиётига 1,7 миллиард евро сармоя киритди.
Мавзуга доир:
- Шавкат Мирзиёев ЕТТБ президенти Сума Чакрабарти билан банкнинг Ўзбекистондаги лойиҳаларини муҳокама қилди
- Президент рақобатни ривожлантириш ва монополияга қарши курашиш борасида мутлақо янги тизим яратиш лозимлигини таъкидлади
- Ўзбекистон 2019 йил декабрида ЕТТБ делегациясини қабул қилиш учун қанча маблағ сарфлагани маълум бўлди
Изоҳ (0)