Туркманистон Соғлиқни сақлаш ва тиббий саноат вазирлиги жануби-шарқ, шимоли-шарқ ва шимолдан кириб келган чанг миқдори мамлакатда ошиб кетгани сабаб аҳолини тиббий ниқоб тақиб юришга чақирди, деб ёзади «Хроника Туркменистана».
Вазирлик хабаридан маълум қилинишича, ҳавода чанг билан бирга «касаллик тарқатувчи моддалар» ҳам бўлиши мумкин. Шунингдек, вазирлик 1 метр оралиқ масофа сақлашга ҳамда шахсий гигиена қоидаларига риоя қилишни сўраган.
Шамол вирусни юзлаб километрдан олиб келаётган бўлса, бу каби ижтимоий масофаланиш қандай фойда беришига вазирлик аниқлик киритмаган. Маълум қилинишича, нафас олиш йўлларига боғлиқ сурункали касалликларнинг кузатилишига кондиционер ва совуқ сув сабаб бўлиши мумкин.
Коронавирус эпидемиясидан огоҳ бўлиш ҳақида ҳеч нарса дейилмаган.
Аввалроқ Туркманистон пойтахтида тиббий ниқоблар нархи бир ҳафтада 14 баравар ошгани тўғрисида хабар берилганди.
Мавзуга доир:
Изоҳ (0)