Германиядаги Springbok Sportwagen GmbH дилери яна бир бор ноёб Gumpert Apollo суперкарини сотувга қўйди. 2009 йилги Женева автосалони учун яратилган айнан ушбу автомобиль Нюрбургринг трассасида 7,11 дақиқа кўрсаткич билан рекорд ўрнатган эди, деб хабар беради Motor.

Фото: Motor

Gumpert Apollo’нинг сотувга қўйилгани тўғрисидаги эълон 2018 йилнинг майида пайдо бўлганди. Ўша вақтда ўрта моторли суперкар 333 минг еврога баҳоланган. Харидор топилмагани сабаб бу сафар модель 299 минг евро эвазига сотувга қўйилган. Бунча маблағ эвазига харидор нафақат ўзининг ажойиб тарихига эга автомобилни, балки 100 км/соат тезликка 3,1 сонияда эришишга қодир тезкор купени қўлга киритади.

Фото: Motor

Машина 700 от кучи ва 850 Нм айланувчи моментга эга 4,2 литрли иккита Audi V8 турбокомпрессори ёрдамида ҳаракатга келади. Gumpert Apollo’нинг соатига 200 километр тезликка эришиши учун 9,1 сония кифоя. Максимал тезлиги эса 360 км/соатга тенг.

Гумперт компаниясига Audi Spot’нинг собиқ раҳбари Роланд Гумперт томонидан асос солинган бўлиб, 2012 йилда ўз фаолиятини якунлаган. Орадан икки йил ўтиб, унинг қолдиқ активларини Гонконгдаги Ideal Team Venture инвестиция компанияси сотиб олган. Янги фирмага Apollo Automobil номи берилган.

Фото: Motor

Фото: Motor

Фото: Motor