Пластик операциялар юзни хунук қилиб қўйиши ҳақидаги қўрқинчли гап-сўзлар тез-тез қулоққа чалинади. Бироқ айрим ҳолларда пластик операция актрисаларга муваффақиятли карьера қилишга ёрдам берган. Қуйида қайси таниқли аёллар пластик жарроҳ ёрдамида гўзаллашгани ҳақида сўз юритамиз.
Меган Фокс
Қиёфасига кўпчилик ҳавас билан қарайдиган Меганнинг гўзаллиги табиат инъоми деб ўйлайдиганлар янглишади. Унинг аввалги расмлари билан ҳозиргиси солиштирилса нафақат бурни, балки лаби ва яноқлари шакли ҳам ўзгартирилганини кўриш мумкин. «Трансформер» фильмидаги ролини модель, ташқи кўринишга ўзгартиришлар киритганидан кейингина қўлга киритган.
Анжелина Жоли
Жолининг лаблари табиат иноми экани ҳақиқатдир, лекин бурнининг шакли эмас. Суратлар таққослаб кўрилса, Анжелинанинг бурни сезиларли кичрайгани, яноқлари бўртганини кўриш мумкин. Жарроҳлик амалиёти шу қадар маҳорат билан амалга оширилганидан, мухлислари ўзгаришларни тан олмасдан, аввалдан шундай эди деб ҳисоблайди.
Блейк Лайвли
Агар Лейвли бурни ва ияклари шаклини ўзгартирмаганида, ҳозиргидек юлдузлик обро-эътиборига эга бўлмасди. Блейкнинг бурни аввалгидан ингичкалашгани ва олдин беўхшов бўлган ияклари ҳозир мукаммал кўринишга келганини кўриш мумкин.
Скарлетт Йоханссон
Актриса ҳеч қандай гўзаллаштириш жарроҳлигини ўтказганини тан олмаса-да, унинг аввалги суратлари билан ҳозиргиси солиштирилса, яққол фарқни пайқаш қийин эмас.
Виктория Бекҳэм
Виктория Скарлет ва бошқа тан олмайдиган юлдузлардан фарқли равишда пластик операция қилдирганини яширмайди. У бурнининг шаклини ўзгартириш билан бирга ажинларга ҳам қарши жарроҳлик йўли билан курашган. Бекхем ботокснинг ишқибози эканини яширмайди ва буни ҳеч қандай зарарли томони йўқ деб ҳисоблайди.
Деми Мур
Деми Мур ташқи кўринишига назар ташлаб, у бир эмас бир нечта ўзгартириш киритганини пайқаш, 30 ёшида ажинлари 52 ёшдан кўпроқ бўлган деган хулосага келиш мумкин. Аввалига кўзидаги муаммони бартараф этиш учун жарроҳлик амалиётини ўтказган юлдуз, кейинчалик ринопластика қилдирган, яноқ ва иякларига ҳам ўзгартириш киритган.
Камерон Диаз
Бошқа юлдузлар қатори Камерон Диаз ҳам бурнини кичкина ва ингичкалаштирган. У бу амалиётни спорт жароҳати оқибатида мажбурликдан қилинган деб оқлайди ўзини. Бундан ташқари у, юзидаги ажинларни ҳам вақти-вақти билан инексион муолажалар билан кетказиб туради.
Изоҳ (0)