Россияда коронавирус юқтириб олганлар сони 707 минг кишидан ошди
Россияда сўнгги бир сутка ичида 6509 кишида коронавирус аниқланди. Бир кун аввалги кўрсаткич 6562 кишини ташкил қилганди. Бу ҳақда Meduza хабар берди.
Пандемия бошидан буён Россияда коронавирус билан касалланган беморлар сони 707 301 кишига етди. Бу кўрсаткич бўйича Россия дунёда АҚШ, Бразилия ва Ҳиндистондан кейин тўртинчи ўринни эгаллаб турибди.
Сўнгги бир суткада энг кўп касалланиш ҳолатлари Москва шаҳри (568 киши), Санкт-Петербург шаҳри (292 киши), Свердлов вилояти (276 киши) ва Ханти-Мансийск автоном округида (265 киши) қайд этилган.
Мавзуга доир: Россия Соғлиқни сақлаш вазирлиги COVID-19’га қарши учинчи янги доридан фойдаланишга ҳам рухсат берди
Мамлакатда бир кун ичида 8805 киши касалликдан тузалган, соғайганларнинг умумий сони эса 481 316 кишига етган.
Коронавирусни аниқлаш бўйича сўнгги бир суткада 288 мингта тест ўтказилган бўлса, шу пайтга қадар ўтказилган тестлар сони 22 миллионтадан ошган.
