Butun dunyoda koronavirus infeksiyasiga chalinganlar soni 12 million kishidan oshdi. Bu haqda pandemiya davridagi statistik axborotlarni berib borayotgan Jons Hopkins universiteti ma’lumotlarida keltirilgan.
Ayni vaqtda dunyoda koronavirusga chalinganlar soni 12 041 795 kishini tashkil etmoqda.
Butun dunyoda hozirga qadar 550 mingga yaqin odam COVID-19 qurboniga aylangan bo‘lsa, 6,5 milliondan ortiq bemor sog‘aygan.
Koronavirus bilan kasallanish holatlarining aksariyati AQSh (3 milliondan ortiq), Braziliya (1,7 million), Hindiston (767,2 ming), Rossiya (699,7 ming) hamda Peru (312,9 ming) hisobiga to‘g‘ri kelmoqda.
AQShning o‘zida 132 mingdan ortiq odam koronavirus oqibatida vafot etgan, 950 mingdan ortiq bemor sog‘aygan.
2020-yil 16-iyunda dunyo miqyosida COVID-19’ga chalingan bemorlar soni 8 milliondan ortib ketgan, 23-iyunda 9 milliondan, 28-iyunda 10 milliondan, 4-iyul kuni esa 11 million nafardan oshganligi to‘g‘risida xabar berilgandi.
Izoh (0)