«Ювентус» бош мураббийи Сарри навбатдаги мағлубият ҳақида: Бундай тушунарсиз ҳолатларга изоҳ бера олмайман

«Ювентус» бош мураббийи Маурицио Сарри А Сериянинг 31-турида «Милан»га қарши учрашувдан (2:4) сўнг ўз фикрлари билан ўртоқлашди.

«Дастлабки 60 дақиқада яхши ўйин кўрсатдик деб ўйлайман. Биз ўйинни тўлиқ назорат қилаётгандик. Шундан сўнг нимадир содир бўлди. Буни ортиқча ўйлашдан маъно йўқ, чунки уч кундан кейин навбатдаги ўйинни ўтказамиз.

15 дақиқада тўлалигича ўзимизни йўқотиб қўйдик. Шунга ўхшаш ҳолатларни бошқа жамоаларда ҳам кўрганман. Биз бу ўйиндан фақат ижобий томонларни кўришимиз керак. Бу каби тушунарсиз ҳолатларга изоҳ бериш имконсиз.

Бизда ёмон ўйинлар бўлган ва ўша учрашувларда имкониятни бой бериб қўйганмиз, аммо ҳозир ҳаммаси бошқача. Бугун яхши ўйин намойиш этдик. Бундай тушунарсиз ҳолатларни жуда кўп жамоаларда кўрдим, чунки бундай об-ҳаво ва тақвимда ўйнаш жуда қийин.

Бор эътиборимизни кейинги ўйинга қаратишимиз керак. Бу жамоа ўзининг имкониятлари билан ажойиб футбол кўрсатишга қодир ва биз буни ривожлантиришимиз керак», — дейди Сарри.

31-турдан кейин Турин клуби 75 очко билан мусобақа жадвалида якка пешқадамлик қилмоқда. «Милан» эса 49 очко жамғарган ҳолда, 5-ўринда бормоқда.