«Локомотив»—«Сурхон»
Тошкентда «Локомотив» жамоаси Равшан Ҳайдаров бошқарувига ўтган «Сурхон»ни қабул қилади. Аслида ушбу беллашув Термизда ўтиши керак эди. Бироқ Термиз шаҳри коронавирус пандемияси сабаб «қизил» ҳудуд сифатида қайд этилган. Шу боисдан ўйин «сариқ» ҳудуд — Тошкентга кўчирилган. Қайд этиш жоиз, «Сурхон» кетма-кет тўртинчи баҳсни сафарда ўтказади. Клуб бешта турдан бери ғалаба қозона олмаяпти. «Локомотив» эса кетма-кет мағлубиятлардан сўнг ўтган турда «Қизилқум»ни енгишга муваффақ бўлганди.
Учрашув маҳаллий вақт билан 19:00 да бошланади. Баҳсни «Маҳалла» телеканали орқали кузатиш мумкин. Ўйинни Илгиз Танташев бошчилигидаги ҳакамлар гуруҳи бошқариб боради.«Қизилқум»—«Андижон»
Сўнгги икки турда «Пахтакор» ва «Локомотив»га ютқазган Тачмурод Агамурдов шогирдлари бу сафар «Андижон»га қарши майдонга тушади. Навоийликлар сўнгги тўртта беллашувда битта ҳам гол ура олмай мағлубиятга учради. «Андижон» бўлса, сўнгги икки турда («Сўғдиёна» ва «Бунёдкор») дуранг қайд этди.
Учрашув 20:00 да бошланади. Ўйинни «Оилавий» телеканали орқали жонли эфирда томоша қилиш мумкин. Баҳсни Акобирхўжа Шукруллаев бошчилигидаги ҳакамлар гуруҳи бошқариб боради.«Насаф»—«Металлург»
Кун тақвимидан ўрин олган яна бир баҳс Қаршида кечади. Ўтган турда Олмалиқда мағлуб бўлган Рўзиқул Бердиев шогирдлари ўз майдонида Бекободнинг «Металлург» клубини қабул қилади. Қайд этиш ўринли, Андрей Шипилов шогирдлари ўтган турда «Бухоро»ни 4:1 ҳисобида мағлуб этганди.
Ўйинни Азиз Асимов бошчилигидаги ҳакамлар бошқариб боради. Беллашувни «Спорт» телеканали 20:00 дан бошлаб тўғридан-тўғри трансляция қилади.
Coca-Cola Суперлига
8-тур баҳслари
6 июль, душанба
- 19:00|«Локомотив»—«Сурхон»
- 20:00|«Қизилқум»—«Андижон»
- 20:00| «Насаф»—«Металлург»
Изоҳ (0)