«Манчестер Сити» Англия чемпионатининг 33-тур учрашувида «Саутҳэмптон»га имкониятни бой бериб қўйди (0:1).
Бу «шаҳарликлар» учун меҳмонда қабул қилинган кетма-кет учинчи мағлубият бўлди. Бундан аввал клуб сафарда ўтказилган «Челси» (1:2) ва «Манчестер Юнайтед» (0:2) клубларига қарши ўйинларда мағлуб бўлганди.
Шу тариқа Манчестер клуби бош мураббийи Хосеп Гвардиола фаолияти давомида илк бор кетма-кет учта сафар ўйинида мағлубиятга учради.
У Англия («Манчестер Сити»), Испания («Барселона») ва Германия («Бавария») чемпионатларида жами 201 та сафар учрашувини ўтказган.
Маълумот учун, Гвардиола инглиз клубини 2016 йилдан бери бошқариб келади. Жамоа унинг қўл остида икки бор (2017/18, 2018/19) Премьер Лигада ғолиб чиққан.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)