Нейрожарроҳлик ҳамма вақт ҳам ниҳоятда юқори мураккабликка маънодош ҳисоблаб келинган – ахир гап инсоннинг мияси ва асаб тизими каби жуда нозик тузилган механизмига аралашув ҳақида кетмоқда! Гап болалар нейрожарроҳлиги тўғрисида кетганида эса вазифаларнинг нозиклиги янада ошади.
Болалар нейрожарроҳи кичик мижозларнинг бир қатор қўшимча анатомик, физиологик ва психологик хусусиятларини ҳисобга олиши керак. Мана сизга фақат бир нечта мисолни келтирамиз:
Катта одамларда мия зоналари аллақачон шаклланиб бўлган, болаларнинг мияси эса энди ривожланаётган бўлади. Амалиётда бу катталарда жарроҳлик аралашуви учун хавфсиз деб ҳисобланадиган муайян соҳалар болаларда бундай аралашув ўтказиш учун хавфли эканлигини билдиради.
Операция вақтида 500 мл қон йўқотилиши – бунда вазни 80 килограммли катта одам учун ҳатто қон қуйиш ҳам керак бўлмайди, организмнинг ўзи бундай йўқотишнинг ўрнини тўлдиради. Лекин вазни 5 килограммли кичкинтойнинг қон тизимида бор-йўғи 400 мл қон бўлади ва ҳатто 40 мл қон йўқотиш ҳам фалокат бўлиши мумкин.
Катталарда ва кичкинтой мижозларда операциядан кейинги давр ҳам тубдан фарқ қилади. Катта одам саволларга жавоб бера олади, ўзининг ҳолатини баён қила олади, кичкинтойлар билан эса врачларга уларнинг ҳаракатлари ёки юзларининг имо-ишораларига қараб ҳолатларини баҳолашларига тўғри келади.
ACIBADEM шифохонаси нейрожарроҳлик бўлими мудири, 30 йиллик иш тажрибасига эга бўлган врач, профессор Мемет Озекнинг жуда ўринли мулоҳазасига кўра: «Бола ахир катта одамнинг шунчаки кичиклаштирилган нусхаси эмас. Бола ва катта мижоз ўртасидаги фарқ худди сичқон билан жирафа ўртасидаги каби».
Кичик мижозларнинг катта муаммолари
Профессор Озек командаси дуч келадиган ҳолатларнинг аксариятини 5 та асосий йўналишга бўлиш мумкин: туғма аномалиялар, шишлар, мушаклар сиқилиши, эпилепсия ва жароҳатлар.
Туғма аномалиялар атамасидан нейрожарроҳликда бола бош ва орқа мия патологиялари билан туғилган бўлсагина фойдаланилади. «Бундай аномалияларнинг кўплаб турлари мавжуд ва бизнинг командамиз ҳар йили жаҳоннинг турли мамлакатларидаги кўплаб мижозларга ёрдам беради», — изоҳ беради профессор Озек.
Профессор Озек
Марказий асаб тизимининг шишлари болаларда кўпинча бош мия стволи ва таламус соҳаларида жойлашади. Булар миянинг айни марказида жойлашган ва бизнинг мустақил нафас олиш, қўл-оёқларимизни қимирлатиш, овқатни ютиш, юз имо-ишораларидан фойдаланиш қобилиятимиз учун масъул бўлган унчалик катта бўлмаган, лекин ҳаёт учун ўта муҳим соҳалардир. Бундай мураккабликдаги шишлар билан муваффақиятли курашиш учун тўғри диагнозлаш, тажриба ва ускуна талаб этилади:
ACIBADEM’да барча янги мижозларнинг касаллик тарихи, шунингдек, даволаш режалари ҳар ҳафтада ўтказиладиган консилиумларда муҳокама қилинади, бу консилиумлар таркибига эса радиологлар, радиация онкологлари, тиббий онкологлар ва болалар нейрожарроҳлари киради.
Шифохонада операциялар олдидан ўтказиладиган тадқиқотларнинг аниқлиги ва сифатини МRT 3 Tesla энг янги ускуналари, шунингдек, жарроҳлик аралашувининг аниқлигига таъсир қиладиган қўшимча технологиялар билан таъминлайди.
Яна битта омил – бу мутахассисларнинг тажрибаси. Профессор Озек команда аъзоларининг фақат ўзларига хос алоҳида маҳоратини эмас, балки умуман унинг уйғунлигини қадрлашини таъкидлаб ўтади: «Биз командамизда 10 йилдан кўпроқ вақт биз билан бирга ишлаётган техниклар ва жарроҳ ассистентлари борлигидан фахрланамиз, бизнинг болалар анестезиологимиз билан эса 27 йилдан бери бирга ишлаймиз».
Илгари болалар серебрал фалажи оқибатидаги мушаклар сиқилишида кўрсатилиши мумкин бўлган ягона ёрдам – бу даволаш гимнастикаси ҳисобланган. Лекин бугунги кунда ACIBADEM’да муаммони ҳаракат фаоллигини яхшилаш даражасида ҳал қилиш имконини берадиган операцияларнинг бир нечта турлари мавжуд бўлиб, ҳозирга келиб 1500 дан ортиқ бундай операция муваффақиятли ўтказилди.
Нейрожарроҳлик аралашуви эпилепсияни дори-дармонлар билан даволаш натижалар бермайдиган ҳолларда ҳам ёрдамга келади. «Эпилепсия хуружлари болаларда миянинг жисмоний жароҳатларига ва аслига қайтариб бўлмайдиган зарарланишларига олиб келиши мумкин– тушунтиради профессор Озек – Нейрохирургия эса ёрдам бериши мумкин».
ACIBADEM ёндашувлари
ACIBADEM шифохонаси халқаро тармоғининг болалар нейрожарроҳлиги бўлимидаги ҳар бир мижоз – биз учун ноёб ва ўта муҳим. Унинг учун шифохонада нейрожарроҳлар, терапевтлар ва ҳамшираларнинг тажрибали командаси ишлайди, шунингдек, ҳозирги вақтда жаҳонда мавжуд барча зарур энг янги ускуналардан фойдаланилади.
Туркиядаги Acibadem шифохоналарида даволанишга оид барча қизиқтирган саволлар бўйича Acibadem’нинг Тошкентдаги ваколатхонасига мурожаат қилишингиз мумкин: Тошкент шаҳри, Мирзо Улуғбек тумани, Буюк Ипак Йўли мавзеси, 19-уй.
Телефон: (+99895) 144-54-45
Шунингдек, расмий сайт орқали барча керакли маълумотларга эга бўлишингиз мумкин: www.acibadem.com.ru
Реклама ҳуқуқи асосида.
Изоҳ (0)