Neyrojarrohlik hamma vaqt ham nihoyatda yuqori murakkablikka ma’nodosh hisoblab kelingan – axir gap insonning miyasi va asab tizimi kabi juda nozik tuzilgan mexanizmiga aralashuv haqida ketmoqda! Gap bolalar neyrojarrohligi to‘g‘risida ketganida esa vazifalarning nozikligi yanada oshadi.
Bolalar neyrojarrohi kichik mijozlarning bir qator qo‘shimcha anatomik, fiziologik va psixologik xususiyatlarini hisobga olishi kerak. Mana sizga faqat bir nechta misolni keltiramiz:
Katta odamlarda miya zonalari allaqachon shakllanib bo‘lgan, bolalarning miyasi esa endi rivojlanayotgan bo‘ladi. Amaliyotda bu kattalarda jarrohlik aralashuvi uchun xavfsiz deb hisoblanadigan muayyan sohalar bolalarda bunday aralashuv o‘tkazish uchun xavfli ekanligini bildiradi.
Operatsiya vaqtida 500 ml qon yo‘qotilishi – bunda vazni 80 kilogrammli katta odam uchun hatto qon quyish ham kerak bo‘lmaydi, organizmning o‘zi bunday yo‘qotishning o‘rnini to‘ldiradi. Lekin vazni 5 kilogrammli kichkintoyning qon tizimida bor-yo‘g‘i 400 ml qon bo‘ladi va hatto 40 ml qon yo‘qotish ham falokat bo‘lishi mumkin.
Kattalarda va kichkintoy mijozlarda operatsiyadan keyingi davr ham tubdan farq qiladi. Katta odam savollarga javob bera oladi, o‘zining holatini bayon qila oladi, kichkintoylar bilan esa vrachlarga ularning harakatlari yoki yuzlarining imo-ishoralariga qarab holatlarini baholashlariga to‘g‘ri keladi.
ACIBADEM shifoxonasi neyrojarrohlik bo‘limi mudiri, 30 yillik ish tajribasiga ega bo‘lgan vrach, professor Memet Ozekning juda o‘rinli mulohazasiga ko‘ra: “Bola axir katta odamning shunchaki kichiklashtirilgan nusxasi emas. Bola va katta mijoz o‘rtasidagi farq xuddi sichqon bilan jirafa o‘rtasidagi kabi”.
Kichik mijozlarning katta muammolari
Professor Ozek komandasi duch keladigan holatlarning aksariyatini 5 ta asosiy yo‘nalishga bo‘lish mumkin: tug‘ma anomaliyalar, shishlar, mushaklar siqilishi, epilepsiya va jarohatlar.
Tug‘ma anomaliyalar atamasidan neyrojarrohlikda bola bosh va orqa miya patologiyalari bilan tug‘ilgan bo‘lsagina foydalaniladi. “Bunday anomaliyalarning ko‘plab turlari mavjud va bizning komandamiz har yili jahonning turli mamlakatlaridagi ko‘plab mijozlarga yordam beradi”, — izoh beradi professor Ozek.
Professor Ozek
Markaziy asab tizimining shishlari bolalarda ko‘pincha bosh miya stvoli va talamus sohalarida joylashadi. Bular miyaning ayni markazida joylashgan va bizning mustaqil nafas olish, qo‘l-oyoqlarimizni qimirlatish, ovqatni yutish, yuz imo-ishoralaridan foydalanish qobiliyatimiz uchun mas’ul bo‘lgan unchalik katta bo‘lmagan, lekin hayot uchun o‘ta muhim sohalardir. Bunday murakkablikdagi shishlar bilan muvaffaqiyatli kurashish uchun to‘g‘ri diagnozlash, tajriba va uskuna talab etiladi:
ACIBADEM’da barcha yangi mijozlarning kasallik tarixi, shuningdek, davolash rejalari har haftada o‘tkaziladigan konsiliumlarda muhokama qilinadi, bu konsiliumlar tarkibiga esa radiologlar, radiatsiya onkologlari, tibbiy onkologlar va bolalar neyrojarrohlari kiradi.
Shifoxonada operatsiyalar oldidan o‘tkaziladigan tadqiqotlarning aniqligi va sifatini MRT 3 Tesla eng yangi uskunalari, shuningdek, jarrohlik aralashuvining aniqligiga ta’sir qiladigan qo‘shimcha texnologiyalar bilan ta’minlaydi.
Yana bitta omil – bu mutaxassislarning tajribasi. Professor Ozek komanda a’zolarining faqat o‘zlariga xos alohida mahoratini emas, balki umuman uning uyg‘unligini qadrlashini ta’kidlab o‘tadi: “Biz komandamizda 10 yildan ko‘proq vaqt biz bilan birga ishlayotgan texniklar va jarroh assistentlari borligidan faxrlanamiz, bizning bolalar anesteziologimiz bilan esa 27 yildan beri birga ishlaymiz”.
Ilgari bolalar serebral falaji oqibatidagi mushaklar siqilishida ko‘rsatilishi mumkin bo‘lgan yagona yordam – bu davolash gimnastikasi hisoblangan. Lekin bugungi kunda ACIBADEM’da muammoni harakat faolligini yaxshilash darajasida hal qilish imkonini beradigan operatsiyalarning bir nechta turlari mavjud bo‘lib, hozirga kelib 1500 dan ortiq bunday operatsiya muvaffaqiyatli o‘tkazildi.
Neyrojarrohlik aralashuvi epilepsiyani dori-darmonlar bilan davolash natijalar bermaydigan hollarda ham yordamga keladi. “Epilepsiya xurujlari bolalarda miyaning jismoniy jarohatlariga va asliga qaytarib bo‘lmaydigan zararlanishlariga olib kelishi mumkin– tushuntiradi professor Ozek – Neyroxirurgiya esa yordam berishi mumkin”.
ACIBADEM yondashuvlari
ACIBADEM shifoxonasi xalqaro tarmog‘ining bolalar neyrojarrohligi bo‘limidagi har bir mijoz – biz uchun noyob va o‘ta muhim. Uning uchun shifoxonada neyrojarrohlar, terapevtlar va hamshiralarning tajribali komandasi ishlaydi, shuningdek, hozirgi vaqtda jahonda mavjud barcha zarur eng yangi uskunalardan foydalaniladi.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin: Toshkent shahri, Mirzo Ulug‘bek tumani, Buyuk Ipak Yo‘li mavzesi, 19-uy.
Telefon: (+99895) 144-54-45
Shuningdek, rasmiy sayt orqali barcha kerakli ma’lumotlarga ega bo‘lishingiz mumkin: www.acibadem.com.ru
Reklama huquqi asosida.
Izoh (0)