Техасдаги автосалонларнинг бирида 1988 йилда ишлаб чиқарилган Mercury Sable Convertible кабриолети сотувга қўйилди. Ford-Taurus’нинг эгизак-модели ҳисобланувчи Sable Convertible фақатгина седан ва универсал кўринишда ишлаб чиқарилган, деб хабар беради Motor.
Кабриолет Мичиган штатидаги C&C (Cars and Concepts) фирмаси томонидан яратилган. Компанияга Hurst Performance вице-президенти Ричард Крейслер томонидан асос солинган бўлиб, у серияли машиналарни қайта ишлаш ва очиқ автомобиллар яратишга ихтисослашган.
Компания тор доираларда катта машҳурликка эришган: Chevroler Camaro/Pontiac Firebird, учинчи авлод Ford Mustang учун ечилувчи «Т-топ» томлар, учинчи авлод Chevrolet Corvette’нинг юкхона қисмини, Chrysler 600 ва LeBaron учун йиғилувчи томлар, шунингдек, серияли Ford Mustang Convertible моделининг юмшоқ тепа қисмини ишлаб чиқарган.
Mercury Sable Convertible концепти муаллифлари ушбу машинани қаттиқ ва тўлиқ автоматик механизм ёрдамида йиғилувчи том қисмига эга биринчи кабриолет деб атайди.
Mercury Sable’ни кабриолетга айлантириш учун C&C мутахассислари жуда катта ҳажмдаги ишларни амалга оширган: пўлат том нафақат матолига алмаштирилган, балки кузов кучайтирилган, оргинал ён қисмлари тўлиқ қайта тайёрланган ва эшиклар 30 сантиметрга узайтирилган.
Машинага 3,0 литрли Vulcan оиласига кирувчи V6 мотори ўрнатилган бўлиб, у тўрт поғонали автомат AXOD узатмалар қутиси ёрдамида бошқарилади.
Узоқ йиллардан бери Техасда сақланиб келаётган модель 15 771 километр йўл босган бўлиб, машина эгаси уни 21 900 долларга сотишга тайёр.
Аввалроқ АҚШнинг Арканзас штатида 1990 йилда ишлаб чиқарилган қизил рангли Ford Mustang кабриолети 35 минг долларга сотилгани тўғрисида хабар берилганди.
Изоҳ (0)