Apple секин-аста ўзининг iPhone қурилмаларини уйдан чиқишда олиниши керак бўлган ягона девайсга айлантириш устида иш олиб бормоқда. Смартфондан ҳозирда ҳамён, машина ёки квартира калити сифатида фойдаланиш мумкин. Apple бу билан тўхтаб қолиш ниятида эмас ва iPhone’ни рақамли паспорт, ҳайдовчилик гувоҳномаси ёки бошқа исталган шахсни тасдиқловчи ҳужжатга айлантиришни режалаштирмоқда, деб хабар беради Apple Insider.
Бугунги кунда смартфонлар алоҳида қайд дафтарча, камера ва кўтариб юриш керак бўлган бошқа кўплаб буюмлар ўрнини эгаллаб улгурди. Эндиликда смартфонлар йўқотиб қўйиш мумкин бўлган ортиқча ҳужжатлардан ҳам воз кечишга ёрдам беради.
Журналистлар Apple’нинг Providing Verified Claims of User Identity (фойдаланувчи шахсининг тасдиқланган маълумотларини тақдим этиш) умумий номи остида бир қатор янги патентларини аниқлаган. Унда фойдаланувчи шахсини тасдиқловчи ҳужжатни олиш, уларни қайд этиш, узатиш ва тасдиқлатиш усуллари изоҳланган. Шу билан бирга, компания бирор жойида iPhone’ни ёдга олмаган, бироқ тез-тез ҳар қандай технологиянинг бир қисми бўлиши мумкин бўлган қурилма ҳақида ёзган.
Изоҳларга кўра, у қуйидаги тартибда ишлаши мумкин: iPhone’га қандайдир ID форма тақдим этилади. Қурилма эгаси масалан, Apple Watch биометрик датчиклари билан текширилган бўлса, жўнатилган маълумотлар тасдиқлангани ҳақида хабар келади. Компаниянинг патент аризасида, асосан, паспорт билан ишлаш ҳақида ёзилган, бироқ у бошқа кўплаб ҳужжатлар билан ҳам ишлай олади.
Apple’нинг интернет-сервислари бўйича ва Apple Pay вице-президенти Женнифер Бэйли 2019 йилда компания шахсни тасдиқловчи маълумотларни смартфонда сақлаш имкониятини тақдим этиши, бироқ бу жуда қийин эканлиги ҳақида гапирган эди. Унинг сўзларига кўра, бу тез орада амалга оширилиши мумкин, аммо компаниянинг ишга тушириладиган бошқа сервислари каби тез эмас.
Аввалроқ янги BMW моделларини iPhone ёрдамида очиш мумкин бўлган имконияти тақдим этилиши ҳақида хабар берилганди.
Изоҳ (0)