Дўконлардаги мавсумий чегирмалар фақатгина пулни тежаш имкони эмас, балки уларнинг бир нечта хавфли томонлари ҳам мавжуд.
Сизнинг ўлчамингиз бўлмаган либос
Қачондан бери олишни режалаштириб юрган либосни ўз ўлчамидан кичигини кўриб, ҳечқиси йўқ олсам кейин озаман деб харид қиладиганлар диққатига: ҳеч қачон ўзингизга катта ёки кичик бўлган кийим харид қилманг! Пулингиз бекорга сарфланиши оқибатида кийимингиз шкафнинг бир бурчагида йиллаб кийилмай ётиши мумкин.
Сохта нархларга алданиш
Айрим дўконларда эски нарх устига sale деб ёзиб қўйилиши мумкин. Буни билмаган харидорлар арзон экан деб харид қилаверади. Сиз эса диққат билан кўздан кечиринг, нархига арзийдими ёки йўқ эътибор беринг.
Сифатсиз «брак» кийим-кечаклар
Кўп ҳолларда камчилиги бор бўлган буюм ва товарлар нархи пасайтирилиб қўйилиши мумкин. Шунинг учун хариддан аввал кўздан кечиришни унутманг.
Кийиб кўрмасдан харид қилиш
Кийиб кўриш хонасидаги навбатдан қочиб кийиб кўрмаган либосингиз уйга борганингизда тўғри келмай асабингиз бузади ва бекорга пул сарфлаганингизни англашга олиб келади, sale бўлган кийим-кечаклар эса аксари ҳолларда алмаштирилмайди. Шу сабаб хариддан аввал шошмасдан кийиб, тўғри келдими, ярашдими ёки йўқ, аниқлаштириб олинг.
Турли акциялар
Иккита олсангиз учинчиси текин ёки учта футболка олсангиз шарф қўшиб берилади деган акцияларга учишдан аввал ўйлаб кўринг иккита бир хил нарсанинг сизга нима кераги бор?
Қуруқ қўл билан қайтмаслик
Ҳамма дўконларни айланиб чиқиб арзон нарса топа олмаслик ва ҳеч бўлмаганда бир нима харид қилиш, қуруқ кетмаслик яхшилик аломати эмас. Керак бўлмаса нима қиласиз сотиб олиб?
Ўтган мавсум трендлари
Сиз дўкон пештахтасида бир йилдан бери харид қилишни хоҳлаган, аммо нархи тўғри келмаган кўйлакни арзон нархга кўриб қолдингиз. Сотиб олгани шошманг, сиз ёқтирганингизда либос қиммат экани сабаб унинг долзарблиги билан боғлиқ бўлган, арзон нархдами, демак урфдан қолган.
Изоҳ (0)