Футбол бўйича Англия Премьер Лигасининг 32-турида «Манчестер Сити» 2 июль, пайшанба куни «Ливерпуль»ни қабул қилди.
Учрашувда майдон эгалари йирик ҳисобдаги ғалабани қўлга киритди. 25-дақиқада Кевин де Брюйне пенальтини аниқ бажариб, «шаҳарликлар»ни ҳисобда олдинга олиб чиқди. Орадан ўн дақиқа ўтиб Раҳим Стерлинг ўз ҳисобига гол ёздириб қўйган бўлса, тайм сўнггида Фил Фоден ҳисобни йирик кўринишга олиб келди.
Иккинчи бўлимда майдон эгалари яна битта тўп киритишга эришди. 66-дақиқада Стерлингнинг зарбасидан сўнг тўп Алекс Окслейд-Чемберленга теккан ҳолда дарвозадан жой олди.
Шу тариқа ўтган турда муддатидан аввал чемпионликни қўлга киритган «Ливерпуль» йирик мағлубиятни қабул қилиб олди. «Манчестер Сити» очокларини 66 тага етказиб олди ва иккинчи ўринда кетмоқда.
АПЛ
32-тур баҳси
2 июль, пайшанба
«Манчестер Сити» — «Ливерпуль» 4:0
Голлар: 1:0 – 25, пенальти де Брюйне, 2:0 – 35 Стерлинг, 3:0 – 45 Фоден, 4:0 – 66, автогол Окслейд-Чемберлен.«Манчестер Сити»: Эдерсон, Уокер (Жоау Канселу, 73), Эрик Гарсия, Менди, Ляпорт (Отаменди, 79), Фоден, Гундўған, де Брюйне, Родри Эрнандес, Стерлинг (Бернарду Сильва, 79), Габриэль Жезус (Маҳрез, 58).
«Ливерпуль»: Алиссон, ван Дейк, Робертсон, Александер-Арнольд (Уильямс, 76), Гомес (Окслейд-Чемберлен, 46), Вейналдум (Кейта, 62), Фабиньо, Ҳендерсон, Мане (Минамино, 85), Фирмино (Ориги, 62), Салоҳ.
Огоҳлантиришлар: Гомес (24), Менди (41), Уокер (57), Ҳендерсон (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)