Эден Азар нега «Реал»нинг навбатдаги ўйинида иштирок этмайди? Зинедин Зидан жавоб берди

«Реал» бош мураббийи Зинедин Зидан Эден Азарнинг «Хетафе»га қарши ўйин қайдномасидан жой олмаганига изоҳ берди.

Франциялик мутахассис жароҳатлар такрорланишининг олдини олиш мақсадида бельгиялик футболчига дам беришга қарор қилган.

«Биз Эденнинг қандай ўйинчи эканлигини биламиз. У бизнинг асосий футболчиларимиздан ва буни рақиблар яхши билади. Умид қиламизки, ҳеч кимда Азарга шикаст етказиш нияти йўқ. Хотиржамликни сақлаш зарур. Эден ўйинларсиз қийин даврни бошдан кечирди, босқичма-босқич ҳаракат қилиш лозим.

Жадвалдаги пешқадамликка келсак («Реал» битта захира ўйини билан энг яқин таъқибчиси — «Барселона»дан 1 очко олдинда бормоқда — таҳр.), биз бир қадам олдиндамиз, холос. 5 та ўйинда ғалаба қозондик, аммо бу ҳеч нарсани англатмайди. Олдинда яна 6 та олтита учрашув бор, бу 18 очко деганидир. Математик жиҳатдан ҳозирча чемпион бўлолмаймиз.

Рақибларни ҳурмат қилиш керак. Улар лигада ғалаба қозониш учун охиригача курашади. Ҳали ҳеч нарса ҳал бўлгани йўқ. Футболчилик фаолиятимда бу каби вазиятга дуч келганман. Футболчилар ҳали ҳеч нарса ютмаганимизни билади», — дейди Зидан.

Эслатиб ўтамиз, «Реал» — «Хетафе» учрашуви 2 июлдан 3 июлга ўтар кечаси соат 01:00 да бошланади.