Бугун,

  • USD 11095.31
  • RUB 173.84
  • EUR 10772.44

Жаҳон соғлиқни сақлаш ташкилоти раҳбари Тедрос Гебрейесус коронавирус инфекцияси пандемияси тугалланиш арафасида эмаслиги, аксинча касаллик тезлашаётганини маълум қилди.

Фото: Reuters

Фото: Reuters

«Биз барчамиз ушбу пандемия тугашини хоҳлаймиз. Ҳаммамиз ўз ҳаётимиз билан яшашни истаймиз. Аммо аччиқ ҳақиқат шуки, у ҳатто тугалланишга ҳам яқин эмас. Аксарият давлатлар маълум бир ютуқларга эришган бўлса-да, пандемия аслида тезлашмоқда», — деган у брифингда.

Гебрейесуснинг таъкидлашича, Хитойдаги биринчи касалланиш ҳолатидан бошлаб олти ой давомида дунё бўйлаб 10 миллиондан ортиқ одамда коронавирус аниқланган, уларнинг 500 минг нафари вафот этган. «Кўп одамлар касалликка мойил бўлиб қолмоқда. Вирус тарқалиши мумкин бўлган ҳали кўп жойлар бор», — дея унинг сўзларини келтирмоқда Reuters.

Шу билан бирга, ЖССТнинг етакчи экспертларидан бўлган Майк Райаннинг айтишича, COVID-19’га қарши хавфсиз ва самарали вакцинани ишлаб чиқишда улкан ютуқларга эришилди, аммо бу натижа беришига кафолат йўқ.

ЖССТ ҳисоботига кўра, 18 июндан бошлаб ҳар куни коронавирусга чалиниш бўйича 150 мингдан ортиқ ҳолат қайд этилмоқда. 28 июнь куни дунёда 178 минг киши ушбу касалликка чалингани аниқланган.

Коронавирусга чалинганларнинг энг кўпи АҚШ, Бразилия, Россия, Ҳиндистон ва Буюк Британия давлатларига тўғри келмоқда.

Аввалроқ ЖССТ Европада карантин чекловлари олиб ташлангач, коронавирус инфекциясига чалиниш ҳолатлари кескин ошганини билдирган эди.

Изоҳ
Асосий янгиликлар
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?