Футбол бўйича Италия А Серияси келаси мавсумига йўлланма олган битта жамоа номи маълум бўлди.
Филиппо Инзаги бошқарувидаги «Беневенто» жамоаси муддатидан аввал А Серия йўлланмасига эга бўлди. Бундан ташқари клуб B Сериянинг 31 ўйинида 76 очко тўплади ва мусобақа рекордини ўрнатди.
Бундан ташқари «Беневенто» ўз тарихида иккинчи марта Италия олий дивизионига йўл олди. Аввалроқ жамоа 2016/17 йилги мавсумда бу ишни уддалаганди.
46 ёшли Филиппо Инзаги 2018/19 йилги мавсумда «Болонья»ни бошқарган, бироқ 21 ўйинда иккита ғалаба қайд этган мутахассис 2019 йилнинг январида истеъфога чиқарилганди. Унинг укаси Симоне Инзаги ҳозирда «Лацио» устози ҳисобланади.
Эслатиб ўтамиз, «Бунёдкор» ярим ҳимоячиси Жасур Жалолиддинов декабрь ойида «Беневенто» кўригида бўлиб қайтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)