Дормунднинг «Боруссия» клуби собиқ футболчиси Муҳаммад Зидан ўз фаолияти ва ватандоши Муҳаммад Салоҳ ҳақида фикр билдирди.

«Ўзимни Салоҳдан яхшироқ эканлигимни айтмаганман. Клопп менга Салоҳ каби ўз ишимга содиқ бўлганимда кўплаб ютуқларга эришишим мумкинлиги ҳақида гапирганди.

Янада кўпроқ нарсаларга эга бўлишим мумкин эди. Менда ҳам шундай интилиш, майдон ва унинг ташқарисидаги диққатни бир жойга жамлай олганимда, балки, Салоҳданда юқорироқ натижалар қайд этган бўлардим.

Фаолиятим мобайнида тизза ва белимда муаммолар пайдо бўлди, кўплаб жарроҳлик амалиётларини бошдан кечирдим ва бу менга таъсир қилди», — дейди Зидан.

Миср терма жамоасининг собиқ ҳужумчиси Клопп қўл остидаги «Боруссия Д»да 2008—2012 йиллар мобайнида тўп сурган.