Qozog‘istonning Jambil viloyati tog‘li hududida va Qirg‘izistonning O‘sh viloyati Oloy tumani hududida 28-iyunga o‘tar kechasi kuchli qor yog‘di, deb xabar beradi Tengrinews.
Qozog‘istonning Qirg‘iziston bilan chegarasidagi Merke tumanida qor yog‘ayotganini mahalliy fuqarolardan biri videoga olgan. Biroq ba’zi foydalanuvchilar videoni ko‘rib, Qozog‘istonda yozda bunday kuchli qor yog‘ishi mumkinligiga shubha bildirmoqda. Ta’kidlanishicha, ushbu ma’lumot Qozog‘iston Ichki ishlar vazirligining favqulodda vaziyatlar qo‘mitasi matbuot xizmatida tasdiqlangan.
https://www.instagram.com/p/CB-NK1nHOBa/?utm_source=ig_embed
Ma’lumotlarga ko‘ra, 2000 metr balandlikda bu oddiy holat hisoblanadi. Qo‘mitaning ma’lum qilishicha, ertalabgacha barcha qor erib ketgan.
Shuningdek, Qirg‘izistonning O‘sh viloyati Oloy tumanidagi Sari-Tosh qishlog‘ida ham kuchli qor yog‘ib, qalinligi 22 santimetrga yetgan. Respublikaning Favqulodda vaziyatlar vazirligidan ma’lum qilishlaricha, tumanning boshqa qishloqlarida ham qor yog‘ishi kuzatilgan.
https://www.facebook.com/albinachalova/videos/271060380837811/
Ta’kidlanishicha, Sari-Toshda 28-iyunga o‘tar kechasi yomg‘ir boshlanib, u tezda qorga aylangan. Yog‘ingarchilik soat 12:35 gacha davom etgan. Shu sababli Qirg‘iziston favqulodda vaziyatlar vaziri Zamirbek Askarov tezkor yig‘ilish o‘tkazib, mahalliy idoralarga yog‘ingarchilik oqibatlariga tezkorlik bilan javob berish vazifasini yuklagan.
Izoh (0)