Ўзбекистонда коронавирусдан тузалган беморлар сони 29 июнь куни 97 кишига кўпайиб, 5426 нафарга етди. Бу ҳақда Соғлиқни сақлаш вазирлиги хабар берди.
Тошкент шаҳридаги Республика ихтисослаштирилган терапия ва тиббий реабилитация илмий-амалий тиббиёт марказида 41 нафар, Тошкент тиббиёт академиясининг кўп тармоқли клиникасида 34 нафар, Сурхондарё вилоятида 22 нафар, жами 97 нафар коронавирус инфекциясига чалинган бемор соғайиб, 29 июнь куни ўз уйига кузатилди.
Шундай қилиб, айни пайтгача Тошкент шаҳри ва вилоятида COVID-19’дан тузалганлар сони 3194 нафарни ташкил қилмоқда.
Сурхондарё вилоятида эса коронавирус инфекциясидан фориғ бўлганлар сони 65 нафарга етди.
Ўзбекистонда 29 июнь соат 10:00 ҳолатига кўра, коронавирус инфекцияси қайд этилганлар сони 83 кишига кўпайиб, жами касалланганлар сони 8031 кишига етди. Мамлакатда коронавирус қурбонлари сони 22 нафарга етган. 28 июннинг ўзида икки киши вирус қурбонига айланган.
