O‘zbekistonda koronavirusdan tuzalgan bemorlar soni 29-iyun kuni 97 kishiga ko‘payib, 5426 nafarga yetdi. Bu haqda Sog‘liqni saqlash vazirligi xabar berdi.
Toshkent shahridagi Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazida 41 nafar, Toshkent tibbiyot akademiyasining ko‘p tarmoqli klinikasida 34 nafar, Surxondaryo viloyatida 22 nafar, jami 97 nafar koronavirus infeksiyasiga chalingan bemor sog‘ayib, 29-iyun kuni o‘z uyiga kuzatildi.
Shunday qilib, ayni paytgacha Toshkent shahri va viloyatida COVID-19’dan tuzalganlar soni 3194 nafarni tashkil qilmoqda.
Surxondaryo viloyatida esa koronavirus infeksiyasidan forig‘ bo‘lganlar soni 65 nafarga yetdi.
O‘zbekistonda 29-iyun soat 10:00 holatiga ko‘ra, koronavirus infeksiyasi qayd etilganlar soni 83 kishiga ko‘payib, jami kasallanganlar soni 8031 kishiga yetdi. Mamlakatda koronavirus qurbonlari soni 22 nafarga yetgan. 28-iyunning o‘zida ikki kishi virus qurboniga aylangan.
Izoh (0)