Мадриднинг «Реал» клуби ҳужумчиси Карим Бензема Испания чемпионатидан ўрин олган «Эспаньол»га қарши кечган ўйинда (1:0) голли узатмани амалга оширди.
Бу 32 ёшли франциялик футболчининг барча мусобақалардаги 10-голли узатмаси бўлди. Бензема шу тариқа Ла Лига футболчилари орасида гол (22) ва ассистлар сонини 10 тадан оширган учинчи ўйинчига айланди.
Аввалроқ бундай натижани «Барселона» ҳужумчилари — Лионель Месси (26+21) ва Луис Суарес (16+11) қайд этганди.
Карим Бензема Испания Примерасининг ушбу мавсумида 31 ўйин ўтказиб, 17 та гол ва 7 ассистга муаллифлик қилди. Унинг клуб билан шартномаси 2022 йилгача амал қилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)