Сиз-у бизга идеал бўлиб кўринган инсонлар баъзида оилалар пароканда бўлишига сабабчи бўлиб қолади.
Шилпа Шетти
Бизнесмен Раж Кундра ва унинг биринчи рафиқаси Кавита 2003 йилда турмуш қургунига қадар узоқ учрашиб юрган. Шилпа Шетти ўзининг С-2 атирларини Буюк Британия бозорларига олиб киришга қарор қилгунига қадар, Раж ва Кавита Лондонда бахтли ҳаёт кечирган. Кавита ҳомиладор вақти эри Раж, Шилпа билан танишиб унинг бизнесини ривожлантиришда ёрдам беради. Ҳаммаси шундан кейин бошланади ва бизнесмен актрисага илакишиб қолади. Кавита кейинчалик берган интервьюларида, турмуш ўртоғи ва Шилпанинг бирга тушган суратларини кўриб ҳаммасини тушунганини, оиласини сақлаб қолишга қилган ҳаракатлари, фарзанд кутаётгани ҳам эрини тўхтата олмаганини таъкидлайди. Кавита қизи Делинани дунёга келтирганидан бир ҳафта ўтиб, Раж ажрашишга ариза беради ва Шилпага уйланади. Кавитанинг, Шилпа ҳақида берган интервьюси унинг карьерасига таъсир этмай қолмайди, лекин вақт ўтиб ҳаммаси унутилади. Ражни оталик ҳуқуқидан мосуво қилган Кавита, айни вақтда қизи билан Англияда истиқомат қилади. Раж ва Шилпа эса икки фарзанди билан Ҳиндистонда яшайди.
Рани Мукержи
Продюссер Адитя Чопра биринчи рафиқаси интерьер дизайнери Паял билан Бумбайдаги шотланд мактабида танишган. Уларнинг онаси дўст бўлгани сабаб тез-тез кўришиб турган жуфтлик, 2001 йилда турмуш қурган. Ҳаётига Рани кириб келмагунча тинч ва бахтли ҳаёт кечирган эр-хотин ҳаёти кейинчалик остин-устун бўлиб кетади. Адитя, Паялни ажрашишга мажбурлайди, рафиқаси эса бунга кўнмайди. Продюссернинг отаси Яш Чопра ҳам ўғли ва келинининг ажрашишига қаршилик билдиради. Шу сабаб ҳам Адитя, Рани билан яширинча учрашиб юриб, отаси оламдан ўтганидан кейин 2014 йилда турмуш қуради. Ҳозир жуфтликнинг Адира исмли қизи бор.
Ями Гаутам
Актёр Пулкит Самрат, 2016 йилдаги «Sanam Re» фильмининг суратга олиш майдончасида Ями Гаутам билан танишиб, ҳушидан айрилгунига қадар, Швет Роҳир билан муносабатларини никоҳ аталмиш муқаддас ришта билан боғлаган ҳолда ҳаёт кечирарди. Пулкит ажрашиш тараддудига тушиб қолганидан кейин Швет бор кучи билан оилани сақлаб қолишга ҳаракат қилади, ҳатто актрисани ОАВ орқали шармандасини чиқаради, лекин бу вазиятни янада қалтислаштиради. Эр-хотин бир йил бирга яшаб улгурмасдан, ажрашади. Аммо актёр ва Ями муносабатлари ҳам икки йилдан кўпга бормайди. Ҳозир Пулкит бошқа актриса Крити Кхарбанда билан учрашади.
Шридеви
Шридеви 16 йилдан бери бирга яшаб келаётган продюссер Бони Капур ва унинг турмуш ўртоғи Монанинг ажралиб кетишига сабабчи бўлган.
Равина Тандон
Анил Тадани ва Наташа Сиппининг бахтли ҳаёти, Равина пайдо бўлгунча ўз маромида бўлган. Хиёнатга чидолмаган Наташа ажрашишга розилик бергач, Анил биринчи турмушига нуқта қўйиб кейин Равина хонимга уйланади. Ҳозир жуфтлик икки фарзанднинг ота-онаси.
Изоҳ (0)