Marvel фильмларидаги қаҳрамонларни гавдалантирган актёрларнинг рафиқалари қандай кўринишга эга? (фото)

Мухлислар учун қаҳрамонлар танлови ҳамиша қизиқ бўлган.

Кичик Роберт Дауни ва Сьюзан Дауни

Роберт Дауни рафиқаси Сьюзан билан «Темир одам» фильмидан аввал, «Gothic» фильмининг суратга олиш майдончасида танишган. Сьюзан фильм продюсерларидан бири бўлган. Икки йиллик муносабатлардан кейин турмуш қуришга қарор қилган жуфтликнинг ҳозирда икки нафар фарзанди бор. Сьюзан айни вақтда ҳам продюсерлик фаолиятини давом эттириб, турмуш ўртоғи билан биргаликда лойиҳалар амалга оширади.

Крис Хемсворт ва Эльза Патаки

Крис ҳам рафиқаси Эльза билан «Тор» фильмида суратга тушишдан аввал танишган. Жуфтлик 10 ойлик муносабатларни никоҳ билан мустаҳкамлашга қарор қилган ва ҳозирда уч фарзанднинг бахтли ота-онаси ҳисобланади.

Марк Руффало ва Санрайз Койни

Ҳалк ролини гавдалантирган актёр француз актрисаси ва заргарлик салони эгаси Санрайз Койни билан 2000 йилда турмуш қурган ва уч фарзандли бўлган. Актёр ва унинг турмуш ўртоғи мамлакатдаги сиёсий жараёнлар ва экологияга бефарқ бўлмаган ҳолда турли митингларда ҳам иштирок этиб туради.

Бенедикт Кембербэтч ва Софи Хантер

Бенедикт шахсий ҳаёти билан боғлиқ маълумотларни эълон қилишни ёқтирмайдиганлардан. Шу сабаб ҳам театр актрисаси Софи Хантер билан учрашишини бир йил давомида матбуотдан яширган. 2015 йилда турмуш қурган жуфтлик ҳозирда икки ўғил фарзандни тарбияламоқда.

Пол Радд ва Жули Ягер

Пол телепродюсер Жули билан 2003 йилда турмуш қурганига қадар 5 йил давомида учрашиб юрган. Ҳозирда жуфтликнинг икки нафар фарзанди бор ва Жули уларга етарли вақт ажратиш мақсадида ишдан бўшаган.

Крис Прэтт ва Кэтрин Шварценеггер

Крис Арнольд Шварценеггернинг куёви ҳисобланади. 2019 йилда турмуш қурган жуфтлик айни вақтда фарзанд кутмоқда. Бу Криснинг биринчи турмуши эмас, бундан аввал актёр Анна Фэрис билан 8 йил бирга яшаб кейин ажрашган.