AQSh hukumati mamlakat bayrog‘ini yoqib yuborgan fuqaroga nisbatan qamoqqa olish jazosini tayinlash haqidagi qonunni imzolashi kutilmoqda. Bu haqda prezident Donald Tramp Oklaxoma shtatidagi Talsa shahrida saylovoldi uchrashuv vaqtida ma’lum qilgan, deya xabar berdi Fox News.
“Amerika bayrog‘ini yoqib yuborgan odamni bir yil muddatga qamash haqidagi qonunni qabul qilishimiz zarur”, — degan AQSh yetakchisi saylovchilar bilan uchrashuvda.
Tramp ushbu fikr AQShda afroamerikalik Jorj Floydning politsiya tomonidan qiynoqqa solinishi va kasalxonada vafot etishi oqibatida boshlangan norozilik namoyishlari sabab paydo bo‘lgan. Prezident Oregon shtati Portlend shahrida Jorj Vashington haykalining ag‘darilishi, undan avval esa bayroq bilan o‘rab yoqib yuborilishi salbiy holat ekanini ta’kidlagan.
Ayni vaqtda AQSh oliy sudining qaroriga ko‘ra (1989-yildagi “Texas Jonsonga qarshi” sud ishi) konstitutsiyaning dastlabki o‘zgartirishlarida hisobga olingan norozilik hamda so‘z erkinligiga qarshi munosabat sifatida Amerika bayrog‘ini ommaviy ravishda yoqishga ruxsat berilgan.
AQShdagi Black Lives Matter (“Qora tanlilarning hayoti muhim”) harakati o‘z aksiyalari davomida qulchilik va ratsizmga aloqadorligi taxmin qilingan tarixiy shaxslarning haykallarini buzib tashlash yoki qulatish harakatlarini amalga oshirmoqda.
Minnesota shtatidagi Sent-Pol shahrida Xristofor Kolumb haykali shunday hujumga uchragan. Massachusetsdagi Boston shahrida esa Amerika qit’asi ochgan sayohatchining boshi sindirib tashlandi. Richmondda (Virjiniya shtati) Amerika konfederativ shtatlari prezidenti (1861–1865-yillarda boshqargan) Jefferson Devisning haykaliga vandallar tomonidan zarar yetkazilgan. Belgiya, Buyuk Britaniya, Fransiya kabi davlatlarda ham quldorlik ramzi hisoblangan tarixiy shaxslarning haykallari vandalizm qurboni bo‘lmoqda.
Izoh (0)