Самарқанд шаҳрида ИИБ ҳамда ДХХ Самарқанд вилоят бошқармаси ходимлари ҳамкорлигида ўтказилган тезкор тадбирда бир гуруҳ қиморбозлар фаолиятига чек қўйилди, дея хабар беради «Дарё» мухбири.
Самарқанд вилоят ИИБ ахборот хизматининг «Дарё»га маълум қилишича, 1976 йилда Самарқанд шаҳрида туғилган Шерзод (барча исмлар ўзгартирилган) ўзининг яшаш уйида 1961 йилда туғилган Марат исмли шахсга қимор ўйинини ўтказишга шароит яратиб берган. Марат эса 11 нафар шеригини чақириб, қимор ўйинини ташкил қилган.
Ўтказилган тезкор тадбир давомида воқеа жойидан 10 миллион 545 минг сўм, 3 минг 650 доллар пул, қимор ўйинида фойдаланилган 24 дона рақамли тош, 195 дона покер фишкаси, 16 та ўйин картаси, 1 дона нарда ва ушбу қимор ўйинига келган мижозларни рўйхатга олиш ва покер фишкасини тарқатиш учун тутилган иккита дафтар далилий ашё сифатида ҳужжатлаштириб олинган.
Шахсини аниқлаштириш мақсадида 13 нафар фуқаро Самақанд шаҳар ИИО ФМБ биносига олиб келинган.
Мазкур ҳолат юзасидан Самарқанд шаҳар ИИО ФМБ ҳузуридаги Тергов бўлими томонидан тергов олди суруштирув ишлари олиб борилмоқда.
Изоҳ (0)